चितवनमा भेटिईन ८ वर्षीय बाल प्रतिभा, बासको बाजामा यति मिठो स्वर

चितवन । पछिल्लो समय देशको कुना कुनाबाट नयाँ बाल प्रतिभा जन्मने क्रम जारी छ । देशको विभिन्न कुनाबाट नयाँ नयाँ प्रतिभाहरु नेपाली समाजमा आएर आफ्नो कला प्रस्तुत गरिनै रहेका छन् । ११ वर्षीय कमला घिमिरे होस् या अहिले भाईरल भएको आयुशा गौतम, यस्ता बाल प्रतिभा हरेक ठाउँबाट जन्मिदै आएका छन् ।

त्यस्तै, अहिले एक बालिका भाईरल भएकी छिन । चितवनको मोहन माविमा पढ्ने बालिका पवित्रा घर्तिमा अदभुत प्रतिभा रहेको छ । उनले घरमै बनाएको स्थानिय बाजा जो बासबाट बनेको छ त्यो बाजाबाट मिठो स्वर र धुन निकालेकी छिन ।

कक्षा चारमा पढ्ने उक्त बालिका मीठो स्वरसंगै नयाँ बाजाको मिठो धुन निकाल्न सिपालु छिन । उनको स्वरको स्कुलमा रहेका शिक्षकले समेत प्रशन्सा गरेका छन् । पवित्राको पारिवारिक अवस्था पनि नाजुक रहेको छ । ज्यामि काम गरेर बाल बच्चा पढाउदै गरेकी घर्ती परिवरको ४ जना त्यही विद्यालयमा पढ्ने गर्छन ।

त्यस्तै, आज चितवनका केही सामाजिक अभियानताहरुले पवित्राको लागि केही शैक्षिक सामाग्री सहयोग हस्तान्तरण गरेका छन् । विद्यालयमा सानो कार्यक्रम आयोजना गरेर सहयोग हस्तान्तरण गरिएको हो ।