सय वर्ष कट्दा पनि स्वस्थ र फूर्तिला मानिस बसेका बस्तीको रहस्य

यिनीहरु सदावहार झै लाग्दछन् । उमेरभन्दा ३० वर्षले कान्छा देखिन्छन् । एक सय वर्ष मामुली बाँच्छन् । सय वर्ष कट्दा पनि फूर्तिला देखिन्छन् । यिनीहरु पाकिस्तानको हुन्जा जाति हुन् ।

हुन्जा उपत्यका उत्तरी पाकिस्तानको दुर्गम, प्राचीन क्षेत्रमा अवस्थित रहेको छ । स्थानीयहरूले आफ्नै खाना उत्पादन गर्ने गर्छन । पिउन र नुहाउनका लागि ताजा हिमनदीको पानी प्रयोग गर्छन् । कुनै पनि नजिकका शहरहरू वा व्यापारिक केन्द्रहरूबाट काटिएको या प्रशोधन गरिएको खाद्य पदार्थ खादैनन् । तरकारी, दूध, अन्न र फलफूल खान्छन् । विशेष गरी खुर्सानीले भरिएको आहार खान रुचाउँदैनन् ।