‘नेपालमा अनिष्ट हुन्छ’ भनेर रुँदै अमेरिका उडे आदित्य

‘नेपाली गुगल बोइ’को उपमा पाएका अद्भूत बालक आदित्य दाहाल स्वास्थ्य उपचारका लागि बिहीबार अमेरिका उडेका छन् । उनकै आग्रह र सरकारको खर्चमा आदित्यलाई अमेरिकाको क्यालिफोर्नियास्थित स्ट्याण्डफोर्ड अस्पतालमा उपचारका लागि लगिएको हो ।

परिवारसँगै अमेरिका उड्नु अघि आदित्यले एक महिनाभित्रै नेपालमा अनिष्ट हुने भविष्यवाणी गरेका छन् । यद्यपी आफूलाई ठिक हुने वा नहुनेबारे भने उनले केही बताएनन् ।

निकट पारिवारिक श्रोतका अनुसार उनले अमेरिका उड्नु अघि लेखेर ‘एक महिनापछि आफू फर्किँदा नेपालमा आमूल परिवर्तन र अनिष्ट भइसक्ने’ भविष्यवाणी गरेका छन् । यद्यपी त्यो अनिष्ट कस्तो हो भन्ने उनले केही प्रष्ट्याएनन् ।

पाँच वर्षीय आदित्य बोल्न सक्दैनन् । यद्यपि उनले लेखेर आफ्नो कुरा बताउँदै आएका छन् । विद्यालयको अनुहारसमेत नदेखेका आदित्य नेपालीसहित अंग्रेजी, हिन्दी, कोरियान र जापानीज भाषामा दख्खल राख्छन् ।

अमेरिका उड्नुअघि त्रिभुवन विमानस्थलमा आदित्य रुँदै थिए ।

साझा पोष्ट बाट