काठमाडौं। काठमाडौं उपत्यकाभित्र जारी भएका सबै सवारी पासहरु रद्द गरिएको छ। गृह मन्त्रालयले सबै प्रकारको पास रद्द गरेको जानकारी दिएको हो। जिल्ला प्रशासनले लगायत विभिन्न निकायहरुले लकडाउनको समयमा सवारी पास जारी गरेका थिए।

तर, अब जोर-बिजोर प्रणाली लागू भइसकेपछि पास आवश्यक नपर्ने भन्दै रद्द गराएको गृह मन्त्रायलले जानकारी दिएको छ। पूर्णरूपमा अब जोर-बिजोर प्रणालीको पालना गर्नुपर्ने छ।

निजी सवारी साधनहरुले काठमाडौं उपत्यकाभित्र जोर गते जोर नम्बर प्लेट भएका सवारी साधन र बिजोर गते बिजोर नम्बर प्लेट भएका सवारी साधन चलाउन पाउने छन्। यो नियम मोटरसाइकलमा समेत लागू छ।

तर, काठमाडौं उपत्यकाबाट बाहिर वा अन्य जिल्लाबाट काठमाडौं आउनको लागि जारी गरिएका पासहरु (छोटो अवधिका) भने यथावत रहेको गृह मन्त्रालयले जानकारी दिएको छ।