यौनकर्मीले शुरु गरे ‘फोन सेक्स’

एजेन्सी, १४ असार । कोरोना भाइरसको संक्रमणले सबैभन्दा असर परेको एउटा क्षेत्र हो यौन व्यवसाय । विश्वभरका यौन व्यवसायीमध्ये अधिकांश कोरोना संक्रमणपछि भोकै हुनुपर्ने अवस्थामा पुगेका छन् । रेड लाइटहरु बन्द छन् ।

यस्तै अवस्थामा पुगेको छ भारतको कलकत्तास्थित सानागाछी । सात हजार यौनकर्मी रहेको उक्त क्षेत्रमा संकट परेको समाचारहरु आइरहेका छन् । देनिक पाँचभन्दा बढी ग्राहक भेट्ने गरेका सोनागाछीका यौनकर्मीहरु तीन महिना देखि कामविहिन बनेका छन् । तर, उनीहरुले जिविकोपार्जनको नयाँ उपाय अपनाएका छन् ।

सोनागाछीका यौनकर्मीले फोन लगायन भर्चुअल सेक्स शुरु गरेको खबर टाइम्स अफ इन्डियाले प्रकाशित गरेको छ । यौनकर्मीले उच्च प्रविधिको प्रयोग गर्न थालेका छन् । उनीहरुले इन्टरनेटबाट विभिन्न प्रकारको सेक्सको प्रस्ताव राख्न थालेका छन् । फोन सेक्स देखि इन्टरनेटबाट अन्य किसिमका सेक्सको तरिका अपनाएका छन् । यसबाट ग्राहकसँग निश्चित रकम लिने गरेका छन् ।

सोनागाछीका यौनकर्मीहरुले भर्चुअल सेक्सको तरिका अपनाएर जीवन गुजारा गर्ने प्रयास गरेका छन् । कोभिड-१९ ले विश्वको वातावरणमै परिवर्तन गरिरहँदा यौन व्यवसायमा पनि परिवर्तन ल्याएको छ । अब उनीहरु पनि उच्च प्रविधिको प्रयोग गरी विकल्पमा पुगेका छन् ।