३३ हजार कागतीका बिरुवा वितरण

प्युठान। प्युठानमा उपभोक्तालाई कागतीका बिरुवा वितरण गरिएको छ । डिभिजन वन कार्यालयले निःशुल्क रुपमा कवुलियती वनका उपभोक्तालाई कागतीका बिरुवा वितरण गरेको हो ।

जिल्लाभर १ सय ८४ कवुलियती वन छन् । तीमध्ये १ सय ५० कवुलियती वनका करीब १ हजार उपभोक्तालाई ३३ हजार कागतीका बिरुवा प्रदान गरिएको कार्यालयका प्रमुख राजु क्षेत्रीले जानकारी दिए ।

मङ्गलबारदेखि जिल्लाका कवुलियती वनका उपभोक्तालाई बिरुवा वितरण गरिएको छ । आर्थिक वर्ष २०७६/०७७ को वार्षिक स्वीकृत फलफूल प्रबद्र्धन कार्यक्रमअन्तर्गत ५लाख ६१ हजारको विरुवा वितरण गरिएको हो ।

३ मिटरको दूरीका फरकमा करीब २५ हेक्टर क्षेत्रफलमा रोपण गरिने छ । त्यहाँका कवुलियती वनलाई ८ समूहमा विभाजन गरिएको छ ।