मदिरा सेवनपछि अंगालो हाल्दै चुम्बन माग्ने वडाध्यक्षमाथि बलत्कार आरोप

कञ्चनपुर,असार २० । महिलाको पसलमा राती अबेरसम्म मदिरा सेवन गरेर चुम्बन माग्ने वडाध्यक्षमाथी बलत्कारको आरोप लागेको छ । जिल्लाको भीमदत्त नगरपालिका वडा नम्वर ९ का वडाध्यक्ष राम नाथले गत विहिबार महिलाको पसलमा बसेर मदिरा सेवन गरेका थिए ।

वडा नम्वर ९ ब्रह्मदेवमा नै व्यवसाय गर्दै आएकी एक महिलाले वडाध्यक्षमाथि जवरजस्तीकरणी उद्योगमा जाहेरी दिएपछि उनिमाथि बलत्कारको आरोप लागेको हो ।

बिहिवार दिउसोदेखि पीडित महिलाकै पसलमा मदिरा सेवन गरिरहेका वडाध्यक्षले राती सवा ८ बजे उनीमाथि दुव्र्यवहारको प्रयास गरेपछि नाथ पक्राउ परेका थिए।

स्थानीयले महिलामाथि वडाध्यक्ष जस्तो जिम्मेवार व्यक्तिले नै दुव्र्यवहारको प्रयास गरेको भन्दै इलाका प्रहरी कार्यालय ब्रह्मदेवलाई घेराउ गरेका थिए। साथै इप्रकामाथि ढुंगामुढा समेत प्रहार भएको थियो। मदिरा सेवनपछि वडाध्यक्षले अंगालो हाल्दै ‘चुम्बवन’ मागेको स्थानीयको आरोप छ।