मेष (चु, चे, चो, ला, लि, लु, ले, लो, अ) –
हात हतियार, आगो र मेसिनरी सामग्रीबाट जोगिनु पर्ने देखिन्छ । परिवारजनमा असमझदारी बढ्नेछ । मान्यजन वा अभिभावक वर्ग रुष्ट हुन सक्छन् । घरायसी समस्या बढ्ने, पढाइमा बाधा, काममा अवरोध र आफन्तसँग मनमोटाव बढ्ने जस्ता समस्या आउन सक्छन् ।
बृष (इ, उ, ए, ओ, बा, बि, बु, बे, बो) –
अरुले आदर गर्नेछन् । मान सम्मान मिले पनि मनमा डर रहने छ । धन मान पाउने योग छ । नोकरी तथा राजनितीमा आफ्नो बर्चस्व बढाउन सकिनेछ । प्रतिस्पर्धाहरूमा विजयी भइनेछ । लामो समयदेखि रोकिएका कामसमेत सहजै सम्पादन हुनेछन् ।
मिथुन (का, कि, कु, घ, ङ, छ, के, को, ह) –
नयाँ कुरा जान्ने सिक्ने सोच आउने छ । मनोरञ्जन पूर्ण रहने दिन छ । सामाजिक उत्तरदायित्व हासिल हुने योग छ । नयाँ काम र जिम्मेवारी हात पार्ने मौका छ । नयाँ रोजगारको अवसर मिल्नेछ । व्यापार व्यवसायमा उन्नति हुनेछ । आयआर्जनका नयाँ स्रोतहरू थपिनेछन् ।
कर्कट (हि, हु, हे, हो, डा, डि, डु, डे, डो) –
नयाँ कामका स्रोत फेला पर्लान । काममा मन प्रसस्त मात्रामा जानेछ । बौद्धिक क्षमतामा प्रस्फुटन हुनाले सृजनात्मक काममा सफलता पाइने छ । खर्च गर्नु परेपनि वैदेशिक यात्राबाट लाभ मिल्नेछ । उद्यमीहरूका लागि पनि आजको लगानीले फाइदै होला ।
सिंह (मा, मि, मु, मे, मो, टा, टि, टु, टे) –
खानामा सचेत रहनु पर्ने दिन छ । पिडा दिनेहरु सक्रिय छन्, सावधान रहनु होला । घरायसी सम्पत्तिको चिन्ताले सताउन सक्छ । विगतमा गरेको गल्ती र कमजोरीका कारण तनाव सिर्जना हुन्छ । अनावश्यक खर्च र धन हानिको योग छ । साथै, कहि दण्ड जरिवाना समेत पाइएला सचेत रहनु होला ।
कन्या (टो, प, पि, पु, ष, ण, ठ, पे, पो) –
काममा अरुको समर्थन पाइने छ । अन्नको काममा लाभ हुने दिन छ । आम्दानी बढ्ने र उठ्नु पर्ने रकम हात लागी हुने समय छ । कृषि तथा पशुपालनमा फाइदा होला । नयाँ नोकरी, पदोन्नति वा अनुकूल स्थानान्तरण सम्भावित छ । मानसम्मान पाइनेछ । व्यापार व्यवसायमा लाभ मिल्नेछ ।
तुला (र, रि, रु, रे, रो, ता, ति, तु, ते) –
रुपैया पैसा आर्जन हुने योग परेको छ । आर्थिक क्षेत्रमा उन्नती हुनेछ । सुख दुःखमा साथ दिनेहरू प्रशस्तै भेटिनेछन् । कामको चाप र थकाइबाट मुक्त रही विश्राम पाइनेछ । लगानीको प्रतिफल प्रशस्त मिल्नेछ । कृषि उत्पादन बढ्नेछ । साथै, एक्लोपनाको अनुभूति पनि होला ।
बृश्चिक (तो, ना, नि, नु, ने, नो, या, यि, यु) –
नसोचेको स्थानबाट धन आर्जन हुनेछ । पैसा कमाउने योग छ । हाँसखेल, भ्रमण र मनोरञ्जनका क्रममा दिन बित्नेछ । टाढाको यात्रा, धर्म कर्म वा मंगलमय कार्यका लागि धन खर्च हुनेछ । व्यवसाय विस्तार एवं नयाँ रोजगारको अवसर पनि मिल्ला ।
धनु (ये, यो, भ, भि, भु, ध, फा, ढ, भे) –
खानपिनमा सजक रहनु होला । व्यर्थको खर्चले मन पिरोल्ला । समय मध्यमस्तरको छ । कुनै नयाँ समाचारले खिन्नता पनि बढ्न सक्छ । विश्वासपात्रबाटै धोका हुने देखिन्छ । जीवनसाथीको स्वास्थ्यमा प्रतिकूलता र आफूलाई समेत रोगले सताउने दिन छ ।
मकर (भो, ज, जि, खि, खु, खे, खो, गा, गि) –
काममा कठिनाइ सहनु पर्नेछ । प्रिय जनसँगको भेटले मन प्रफुल्ल रहला । छर छिमेकमा भने केही असमझदारी बढ्ने योग छ । तर, खास हानि पुग्दैन । सवारी साधनको प्रयोग होसियारी साथ गर्नुपर्ने बेला छ । पढाइ लेखाइमा सामान्य प्रगति हुने दिन रहेको छ ।
कुम्भ (गु, गे, गो, सा, सि, सु, से, सो, द) –
आय सन्तोष जनक रहनेछ । बचत हुने प्रवल सम्भावना छ । धार्मिक तथा परोपकारजन्य क्रियाकलापबाट प्रतिष्ठा पाइनेछ । तर, शारीरिक अस्वस्थताको सम्भावना छ । घरमा मंगलमय कार्य सम्पादन हुनेछन् । धर्म कर्म र समाजसेवामा विशेष लगाव बढ्नेछ ।
मीन (दि, दु, थ, झ, ञ, दे, दो, च, चि) –
कामहरु सजिलैसंग बन्ने छन् । नयाँ कामका योजनाहरु बन्ने सम्भावना छ । काममा केही चुनौती देखिए पनि प्रयत्न गर्दा समयको सदुपयोग भइ धन लाभ होला । उद्योग तथा व्यापारमा राम्रै लाभ मिल्ने देखिन्छ । अध्ययनका लागि विदेशयात्राको सम्भावना समेत रहेको छ ।
गुरु अदृश्य कृष्ण (दिव्य ज्योतिष)
