१८ वाणिज्य बैंकको निष्कृय कर्जा बढ्यो

काठमाडौं, मंसिर २४ । कोरोना महामारीले व्यवसाय प्रभावित हुँदा अधिकांश वाणिज्य बैंकको निष्क्रिय कर्जा बढेको छ । सञ्चालनमा रहेका २७ वाणिज्य बैंकमध्ये १८ ओटा बैंकको गत आवको तुलनामा चालू आर्थिक वर्ष (आव) को पहिलो त्रैमासमा निष्क्रिय कर्जा (एनपीएल, नन परफर्मिङ लोन) बढेको छ ।

तर, बाँकी नौओटा वाणिज्य बैंकको यस्तो कर्जा नियन्त्रणमा आएको छ । अझै कोभिड प्रभावितले विस्तारै बाँकी ब्याज तथा किस्ता क्रमशः नतिरेपछि एकैपटक तिर्न नसक्ने अवस्था सृजना हुन सक्ने र एनपीएल अझै बढ्न सक्ने बैंकरहरू बताउँछन् ।

कोभिड प्रभावित ऋणीलाई साँवाब्याज तिर्न केही समय छूट दिए पनि पछि एकैपटक भार पर्न जाने भएकाले यस्तो व्यवस्था फोहोरहरूलाई कार्पेट मुनि लुकाएभैंm भएको बैंकरहरूको टिप्पणी रहेको आजको आर्थिक अभियान दैनिकमा खवर छ ।