नेपाल प्रहरी
नेपाल प्रहरी ले जानकारी केन्द्रलाइ बताए अनुसार कुमार घैंटे यसरी मारिएका थिए
महानगरीय प्रहरी अपराध महाशाखाको प्रहरी टोलीमाथि काठमाडौं महानगरपालिका रानीबारीमा आक्रमण भएपछि प्रहरीले प्रतीकारमा चलाएको गोली लागी बिहिबार काठमाडौं महानगरपालिका–२९ सामाखुशी बस्ने ३८ वर्षीय कुमार घैंटे भन्ने कुमार श्रेष्ठको त्रि.बि.बि. शिक्षण अस्पताल महाराजगंजमा उपचारको क्रममा मृत्यु भएको छ ।महाशाखाका प्रमुख प्रहरी बरिष्ठ उपरीक्षक सर्बेन्द्र खनालसमेतको टोलीलाई सामाखुशी बस्ने घैंटे तथा उनका सहयोगी २५ वर्षीय राज महर्जन र ३१ वर्षीय सुरेन महर्जनलगायतले एक्कासि गोली प्रहार गरेपछि प्रहरीले जवाफी फायर गर्दा तीनैजना घाइते भएका थिए । घाइतेलाई तत्काल उपचारको लागि शिक्षण अस्पताल पु्र्याएकोमा थियो उपचारकोक्रममा कुमारको मृत्यु भएको हो । राजधानीमा अवैध चन्दा असुली र गुण्डागर्दीमा संलग्न रहेकाे अारोपमा कुमारलाई प्रहरीले खोजी गरिरहेको थियो ।
ढुंगा प्रहारबाट प्रहरी सहायक निरीक्षक द्वय रन्जित लामा तथा बालकृष्ण सञ्जेल र प्र,हरी जवान हेमन्त चन्द घाइते भएका छन् । उनीहरुको बीर अस्पतालमा उपचार भइरहेको छ ।
घटनाबारे प्रहरीले थप आवश्यक अनुसन्धान गरिरहेको बताएको छ ।
जगदिश नरसिंह
कांग्रेस नेता जगदीश नरसिंह केसीले गृहमन्त्रीको सिधा आदेशमा प्रहरीले कुमार श्रेष्ठ घैंटेमाथि गोली हानेको बताएका छन्। त्रिवि शिक्षण अस्पतालमा घैंटेको अवस्था बुझ्न पुगेका केसीले पत्रकारहरुसँग भनें ‘मास्क लगाएका र सिभिल ड्रेसमा रहेका पाँच जनाले खाना खाइरहेका घैंटेलाई गोली हानेका हुन्।‘ ‘मारिसकेपछि हवाइ फायर गरेर प्रहरीले दोहोरो गोली हानाहानको नाटक गरेको हो‘ उनले भने।
