आजदेखि यी ३२ स्थानमा चिनियाँ खोपको दोस्रो डोज लगाइँदै

काठमाडौं जिल्लामा कोरोना भाइरसविरुद्धको दोस्रो डोज आज मंगलबारबाट लगाइने भएको छ । स्वास्थ्य कार्यालय काठमाडौंका अनुसार चिनियाँ (भेरोसेल) खोपको दोस्रो डोज लगाइन लागिएको हो । जिल्लाका ३२ वटा खोप केन्द्रको सूचीसमेत सार्वजनिक गरिएको छ ।

भेरोसेलको दोस्रो डोज लगाउन आफूलाई पायक पर्ने स्थानमा बिहान १० देखि अपरान्ह ४ बजेसम्म जानुपर्नेछ । पहिलो मात्राको खोप लगाएको कार्ड साथैमा लिएर आउन महानगरले आग्रह गरेको छ । सरकारले गत जेठ २५ देखि २९ सम्म देशभर ६० देखि ६४ वर्ष उमेर समूहका नागारिकलाई भेरोसेलको पहिलो मात्रा खोप लगाएको थियो ।