रेड जोन’मा २४ जिल्ला, १७ जिल्लामा छन् दुई सयभन्दा बढी संक्रमित

काठमाडौं । देशभर हाल ७ वटा जिल्लामा कोरोनाका पाँच सय बढी सक्रिय संक्रमित रहेका छन् । ४ प्रदेशमा गरी ७ वटा जिल्लामा कोरोनाका पाँच सय बढी सक्रिय संक्रमित रहेको स्वास्थ्य तथा जनसंख्या मन्त्रालयले जनाएको छ ।

प्रदेश १ को २, बागमतीको ३, गण्डकीको १ र लुम्बिनीको १ जिल्लामा पाँच सय बढी सक्रिय संक्रमित छन् । प्रदेश १ को मोरङ र सुनसरी जिल्लामा पाँच सय भन्दा बढी सक्रिय संक्रमित रहेका छन् । बागमती प्रदेशको काठमाडौं, भक्तपुर र ललितपुर, गण्डकी प्रदेशको कास्की र लुम्बिनीको रुपन्देही जिल्लामा पाँच सय बढी सक्रिय संक्रमित रहेको मन्त्रालयले जनाएको छ ।

यस्तै १७ वटा जिल्लामा भने २ सयभन्दा बढी सक्रिय संक्रमित रहेका छन् । यो सूचीमा झापा, धनुषा, सप्तरी, सिराहा, काभ्रेपलाञ्चोक, सिन्धुपाल्चोक, मकवानपुर, नुवाकोट, सिन्धुली, नवलपरासी पूर्व, बागलुङ, स्याङ्जा, तनहुँ, दाङ, बाँके, सुर्खेत र कैलाली रहेका छन् ।