काठमाडौं । नेकपा एकीकृत समाजवादीबाट सहभागी नवनियुक्त मन्त्रीहरुले शपथ लिएको जनाइएको छ । शितल निवासमा राष्ट्रपति विद्यादेवी भण्डारीद्वारा एकीकृत समाजवादीका चार मन्त्रीलाई शपथ खुवाइएको हो ।
मेटमणि चौधरी सहरी विकास मन्त्री, जीवनराम श्रेष्ठ संस्कृति, पर्यटन तथा नागरिक उड्डयनमन्त्री, शेरबहादुर कुँवर श्रम तथा सामाजिक विकास र भवानी खापुङले स्वास्थ्य तथा जनसंख्या मन्त्रीको शपथ खाएका छन् । स्वास्थ्य राज्यमन्त्रीमा हिराचन्द्र केसीले शपथ खाएका हुन् । आजैबाट नवनियुक्त चार मन्त्री र एक राज्यमन्त्रीले कार्यभार सम्हाल्ने जनाइएको छ ।
