काठमाडौं । आज पार्टी अध्यक्ष पुष्पकमल दाहाल प्रचण्डले नेताहरुले उठाएका प्रश्नको जवाफ दिने जनाइएको छ । काठमाडौंमा १९ असारदेखि नेकपा माओवादी केन्द्रको केन्द्रीय समिति बैठक जारी छ ।
बैठक बिहान ११ बजेदेखि प्रज्ञा भवन कमलादीमा बसिएको हो । बैठकमा अध्यक्ष प्रचण्डले पदाधिकारी, स्थायी समिति र पोलिटव्युरो सदस्यहरुको नामावली प्रस्तुत गर्ने स्रोतले जनाएको छ । बैठकमा अध्यक्ष प्रचण्डले पोलिटव्युरो, स्थायी र पदाधिकारी प्रस्ताव गर्ने सम्भावना पनि रहेको छ ।
पूर्वपदाधिकारीहरुको गत मंगलबार बसेको बैठकमा पदाधिकारी, स्थायी र पोलिब्युरो सदस्यको अन्तिम नामावली प्रस्ताव गर्ने जिम्मा अध्यक्ष प्रचण्डलाई सुम्पेकोले प्रचण्डले सो कार्य गर्न मंगलबार र बुधबार आन्तरिक छलफल गरेका थिए । मंगलबार र बुधबार दुवै दिन बैठक स्थगित गरिएको थियो ।
