अन्तर्घात भएको भन्दै ओली आक्रोशित, भन्छन् ‘यस्तो तालले एमाले गरिखाँदैन’

काठमाडौं । नेकपा एमाले अध्यक्ष केपी ओलीले स्थानीय निर्वाचनमा निकै ठूलो अन्तर्घात भएको भन्दै आपत्ति जनाएका छन् ।

बुधबार बागमती प्रदेशस्तरीय प्रशिक्षण भेलामा ओलीले वडा कमिटीमा ३९ जना कमिटी सदस्य रहेकोमा निर्वाचनमा २४ मत आएको भन्दै आक्रोश व्यक्त गरे । संगठित र क्रियाशील सदस्य भएका ठाउँमा समेत एमाले उम्मेदवारको कम मत आएको भन्दै उनी निकै आक्रोशित बने ।

ओलीले आफ्नै पार्टीका उम्मेदवारविरुद्ध प्रचार गर्दै आएको भन्दै तीव्र रोष प्रकट गरे । उनले भने ‘यस्तो तालले एमाले गरिखाँदैन । पार्टी यसरी चल्दैन । यो त बेइमान भयो ।’