प्रतिनिधि सभाको बैठक बस्दै, कार्यसूची यस्तो..

काठमाडौं । संसद सचिवालयले आज मंगलबार दिउँसो १ बजे प्रतिनिधि सभाको बैठक बस्ने जनाएको छ ।

उक्त बैठकका लागि सम्भावित कार्यसूची बनाइएको छ । जहाँ मदन भण्डारी विज्ञान तथा प्रविधि विश्वविद्यालय विधेयक, २०७९ माथि राष्ट्रिय सभाबाट भएको संशोधनमाथि विचार गरियोस् भन्ने प्रस्ताव सभामुखले निर्णायार्थ प्रस्तुत गर्ने कार्यक्रम छ ।

यसैगरी, बैठकमा तथ्यांक विधेयक, काठमाडौं उपत्यका सार्वजनिक यातायात व्यवस्थापन प्राधिकरण विधेयक, योगमाया आयुर्वेद विश्वविद्यालय विधेयक, २०७८ छलफलका लागि प्रस्तुत गर्ने कार्यसूचीमा उल्लेख छ ।