केपी ओली भन्छन्- ‘आउँदो चुनावमा हामीले नजिते देश बर्बाद हुन्छ’

काठमाडौं । नेकपा (एमाले) का अध्यक्ष केपी शर्मा ओलीले आउँदो संघ र प्रदेशको चुनावमा एमालेले नजिते देश बर्बाद हुने बताएका छन् । पार्टीको झापा(काठमाडौं सम्पर्क मंचले गरेको कार्यक्रमलाई सम्बोधन गर्दै ओलीले देशलाई बर्बादीमा जान नदिन एमालेले जित्नै पर्ने बताए ।

सत्ता गठबन्धन लुटेर खानका लागि बनेको भन्दै ओलीले यसको निश्चित कुनै गन्तब्य नरहेको बताए । ‘अहिले फेरि गठबन्धनले जित्यो भने भएको लुटपाट गर्छन् । विकास पनि केही हुँदैन ।’ ओलीले भने, ‘एक वर्षमा त यस्तो छ, यो गठबन्धनले पाँच वर्ष सरकार चलायो भने के होला रु’

उनले गठबन्धनले जाली किर्ते पाराले लुटेर लिएको सरकार भएकाले यसमा जनताको कुनै भूमिका नरहेको बताए । गठबन्धन सरकार जनता अल्मल्याउन तल्लिन रहेको ओलीको आरोप छ ।