म्याग्दीको बेनी नगरपालिका–१३ डेविनडाँडा शनिबार बिहान बस दुर्घटना हुदाँ ३ जनाको मृत्यु भएको छ । बरंजाबाट सदरमुकम बेनी आउँदै गरेको ग १ ख ५३६६ नम्बरको माईक्रोबसमा सवार ६०जना घाईते भएका छन् ।
मृत्यु हुनेमा बेनपा–१३ का ९ बर्षिय सुनिल थापा,६ बर्षिय बालक दिप्जन पुन रहेको छ । मृतक मध्ये एक यूवतीको पहिचान हुन सकेको छैन् ।
सडकबाट करिव १ सय ५० मिटर तल खसेको बसमा सवारमध्ये चालक रामकृष्ण सापकोटा, बेनपा– १३ का देउकुमारी थापा मगर, पर्वत कुस्मा नगरपालिकाकी सिता गौतम सहित ५ जनालाई थप उपचारका लागि पोखरा रिफर गरिएको छ । सडकबाट खसेको बस खेतमा पुगेको थियो ।
दुर्घटनाको क्रममा पाँचवटा रुखमा अड्किएदै खेतमा पुगेकाले पनि ठूलो मानवीय क्षतीबाट बचेको स्थानीयबासीको भनाई छ । तिहार मानेर बेनी तर्फ आउँदै गरेका यात्रुमध्ये अधिकांसको टाउको, शरीरका विभिन्न भागमा चोट लागेको छ । घाईतेको स्थानीयबासी, यूवा, प्रहरी र नेपाली सेनाले उद्धार गरेका थिए । घाईतको जिल्ला अस्पताल म्याग्दीमा उपचार भइरहेको छ ।
