पहिरोमा परी केदारनाथ दर्शनमा गएका ११ नेपाली बेपत्ता

काठमाडौं । भारतको केदारनाथ दर्शनमा गएका ११ जना नेपाली पहिरोमा परी बेपत्ता भएका छन् । बेपत्ता हुनेमा धेरैजसो जुम्लाको पातरासी गाउँपालिकाका रहेको बुझिएको छ ।

गौरीकुण्डबाट केदारनाथ जाने बाटोमा पर्ने नेपालीहरु बसेको होटल नै पहिरोमा पर्दा ११ जना नेपाली बेपत्ता भएको प्रहरीलाई उद्धत गर्दै भारतीय सञ्चारमाध्यमहरुले जनाएका छन् ।

बिहिबार राति गएको पहिरोमा परेका ३ जनाको शव भेटिएको र कम्तीमा १२ बेपत्ता भएको इन्डियन एक्सप्रेसले लेखेको छ । भारी वर्षाका कारण मध्यरातमा पहिरो गएको इन्डियन एक्सप्रेसले लेखेको छ ।