किन गए नेयमार साउदी अरब, अल हिलालबाट कति लिन्छन् पारिश्रमिक ?

काठमाडौं । साउदी प्रो लिग क्लब अल हिलालले नेइमारलाई भित्र्याएको औपचारिक घोषणा गरेको छ । योसँगै नेइमार साउदी लिगमा जाने पछिल्लो सुपर स्टार बनेका हुन् ।

अल हिलालले जारी गरेको एक भिडिओमा नेइमारले ‘म साउदी अरेबिया आए’ भनेका छन् । नेइमारले अल हिलालसँग दुई वर्षको सम्झौता गरेका छन् ।

अल हिलालले नेइमारलाई वार्षिक १५० मिलियन डलर पारिश्रमिक दिने भएको छ । दुई वर्षमा नेइमारले अल हिलालबाट ३०० मिलियन डलर पारिश्रमिक पाउने छन् । उनले अल हिलालमा हरेक साता २।८८ मिलियन डलर कमाउने छन् ।

उनले यस अवधिमा अन्य कमर्सियल डिलबाट थप सय मिलियन डलर कमाउन सक्ने बताइएको छ । २०१७ मा बार्सिलोनाबाट कीर्तिमानी २४० मिलियन डलरमा पिएसजी गएका नेइमारले ६ सिजनपछि पिएसजी छोडेका हुन् ।