नेपाली क्रिकेट टोलीलाई ५ लाख पुरस्कार दिने कौडेना गाउँपालिकाको घोषणा

काठमाडौं । सर्लाहीको कौडेना गाउँपालिकाले नेपाली राष्ट्रिय क्रिकेट टोलीलाई ५ लाख पुरस्कार दिने घोषणा गरेको छ ।

सोमबार भएको नेपाल र भारतबीचको खेलमा उत्कृष्ट प्रदर्शन गर्दै भारतलाई सम्मानजनक स्कोरको लक्ष्य दिएको भन्दै गाउँपालिकाले प्रोत्साहन स्वरुप ५ लाख नगद दिने घोषणा गरेको हो ।

गाउँपालिकाका अध्यक्ष रुपेशकुमार यादवले सामाजिक सञ्जालमार्फत नेपाली खेलाडीलाई प्रोत्साहन गर्न पुरस्का र दिन लागेको उल्लेख गरेका छन् ।

उनले सामाजिक सञ्जालमा लेखेका छन् ‘सफलता सजिलै आउँदैन, तर कडा परिश्रम र दृढ संकल्पको माध्यमबाट, हाम्रो नेपाल क्रिकेट टिमले एसिया कपमा अद्भुत प्रदर्शन गर्दै हामी नेपाली र हाम्रो नेपालको नाम क्रिकेट जगतमा प्रख्यात गरेको छ । यस्तो प्रदर्शन आगामी दिनहरुमा जारी रहोस भनी शुभकामना दिदै कौडेना गाउँपालिकाकाको तर्फ बाट नेपाल क्रिकेट टिमलाई रु पाँच लाख नगद उपहार स्वरुप प्रदान गर्ने घोषना गर्दछु’ ।

नेपालले भारतसँग १० विकेटको फराकिलो हार ब्यहोरेको थियो । यद्दपि नेपालको उक्त प्रदर्शनलाई लिएर निक्कै प्रशंसा भइरहेको छ ।