संघीय गठबन्धनको कार्यक्रमको लागि तयार गरेका लाठी बरामद

संघीय गठबन्धन आबद्ध दल तथा मोर्चाहरुले शान्तिबाटीकामा भेला जम्मा भई जनप्रदर्शन गर्ने भन्ने कार्यक्रम अनुसार नेपाल शेर्पा संघका कार्यकर्ता शान्तिबाटिकाको लागि काठमाडौं बानेश्वरस्थित निषेधित क्षेत्र तोडी आउने क्रममा उनीहरुको साथमा रहेका २२ वटा लामा लठ्ठी शान्ति सुरक्षाको लागि खटिएको प्रहरीले शनिबार बरामद गरेको नेपाल प्रहरीले जानकारी केन्द्रलाइ बताएको छ ।
साथै काठमाडौं महानगरपालिका–३४ शान्तिनगरस्थित खालीचौरमा जेठ २ गते २७ दलिय कार्यक्रमको लागि तयार गर्दै गरेको अबस्थामा करीव २ सय थान बाँसका लाठीहरु प्रहरीले नियन्त्रणमा लिएको छ । लाठी बनाउने ब्यक्तिहरु फरार भएकोले खोजी भइरहेको पनि प्रहरीले बताएको छ ।