पदाधिकारी चयनमा सहमति जुटन नसकेपछि नेकपा माओवादी केन्द्रले पार्टी अध्यक्ष पुष्पकमल दाहाल ‘प्रचण्ड’को नेतृत्वमा नौ सदस्यीय हेडक्वाटर बनाउने निर्णय गरेको छ ।
पदाधिकारी सहित एकल पदीय वा बहुपदीय कुन ब्यवस्थामा जाने सहमति जुटन नसकेपछि तत्कालकोलागि हेडक्वाटर बनाएर जाने सहमतिसहित निर्णय गरेको हो । हेडक्वाटरमा नारायणकाजी श्रेष्ठ, कृष्णबहादुर महरा, रामबहादुर थापा, तिलक परियार, मातृका यादव, देव गुरुङ, जयपुरी घर्ती र मणि थापा लगायतका रहेका छन ।
त्यसैगरी बैठकले जेठ महिनाभरी जिल्लाहरुमा एकता भेला र काठमाडौंमा शक्ति प्रदर्शन गरेपछि भने पार्टी बहुपदमा जानेगरी निर्णय गरेको छ ।
पार्टीको केन्द्रीय समितिमा अध्यक्ष दाहालले प्रस्तुत गरेको ५ उपाध्यक्ष, १ महासचिव, ३ सचिव बनाउने प्रस्ताव पारित भइसकेको छ । तर अहिले नाम र बरियतामा सहमति नजुटेका कारण जिम्मेवारी बाडफाड हुन नसकेको हो ।
त्यसैगरी बैठकले ४९ देखि ५१ सदस्यीय सचिवालय र १५१ सदस्यीय पोलिटब्यूरो गठन गर्ने सहमति गरेको छ ।
विभिन्न समयमा चोईटिएरका माओवादी पार्टी मिलेर गठन भएको केन्द्रको अध्यक्षमा भने एमाओवादी अध्यक्ष पुष्पकमल दाहाल प्रचण्डलाई चयन गरेको छ ।
केन्द्रमा दोस्रो बरियतामा को रहने ? र पदाधिकारीमा विवाद छ ।
