सरकारले सर्टिफिकेट धितो राखेर ऋण दिने

अर्थमन्त्री विष्णु पौडेलले प्रस्तुत गरेको बजेटमा  शैक्षिक प्रमाणपत्र धितो राखेर ऋण दिने योजना पनि प्रस्तुत गरिएको छ । यस्तै गरेर सरकारले प्रत्येक प्रदेशमा एक मेडिकल कलेल र पोलिटेक्नि ईन्स्टीच्यूट स्थापना गर्ने भएको छ ।
अर्थमन्त्री विष्णु पौडेलले प्रस्तुत गरेको बजेटमा आगामि वर्ष बर्दिबास, बुटवल र सुर्खेतमा मेडिकल कलेज स्थापनाको काम सुरु गरिने छ ।
त्यसैगरी माध्यमिक शिक्षालाई निशुल्क गर्ने, सामूदायिक विद्यालयको क्षमता अभिबृद्धि गर्न १६ अर्ब २५ करोड विनियोजन गरिने छ ।
विद्यालय भर्नाको लागि प्रोत्साहन कार्यक्रम गर्ने, सामुदायिक विद्यालयमा अनिवार्य अग्रेजी अध्यापन गराउने, सूचना प्रविधिकोलागि अनुदान दिने कार्यक्रम रहेको छ ।
त्यसैगरी स्नातकोत्तर अध्ययन गरिरहेका विद्यार्थिलाई अन्तिम छ महिना स्वयमसेवको रुपमा खटाईने छ । योगमाया आयूर्बेद विश्वविद्यालय निर्माण गर्ने, गौरादहमा कृषि विश्वविद्यालय निर्माण गर्ने उल्लेख छ ।