विश्व शक्तिशाली महिलाको सूचिमा राष्ट्रपति भण्डारी

प्रसिद्ध ‘फोर्ब्स’ म्यागजिनले निकालेको विश्वका सय शक्तिशाली महिलाको सुचीमा राष्ट्रपति विद्यादेवि भण्डारी परेकी छन् ।

उनी सुचीको ५२ औं स्थानमा परेकी छन् । पत्रिकाले हरेक वर्ष संसारका सबभन्दा शक्तिशाली महिला, पुरुषको सुची निकाल्ने गरेको छ । पत्रिकाले राष्ट्रपति ‘सेरेमोनियल’ पद भए पनि प्रधानमन्त्री केपी शर्मा ओलीसँग निकट सम्बन्ध भएका कारण उनी प्रभावशाली भएको बताएको छ ।

उक्त पत्रिकाले नेपालको संसदमा एक तिहाई महिला हुनुपर्ने भन्ने अभियानमा संलग्न नेतृका रुपमा पनि उनको परिचय गराएको छ ।

सुचीको पहिलो नम्बरमा जर्मन चान्सलर एन्जेला मार्केल छन् भने दोस्रो नम्बरमा अमेरिकी राष्ट्रपति उम्मेदवार हिलारी क्लिन्टन छन् । सुचीमा पर्ने अन्य महिलामा म्यानमारकी नेतृ आङ साङ सुकी, बंगलादेशकी प्रधानमन्त्री शेख हसिना वाजेद लगायत छन् ।