नयाँ शक्तिले सांसद बन्न स्नातक हुनुपर्ने प्रस्ताव हटायो

भर्खरै घोषणा गरिएको बाबुराम भट्टराई नेतृत्वको नयाँ शक्तिले प्रत्यक्ष निर्वाचित सांसद बन्न स्नातक हुनुपर्ने प्रस्तावलाइ तत्काललाई अघि नबढाउने निर्णय गरेको छ ।

सोमबार सुरू भएको छलफल सत्रमा प्रतिनिधिले समूहगत छलफलमा सो विषय उठाए पनि तत्काल निर्णय नलिइने पार्टी प्रवक्ता खिमलाल देवकोटाले जानकारी दिएका छन् । आधिकारिक दस्तावेजमा सो विषय नरहेको भन्दै देवकोटाले बहस भने जारी राखिने बताए ।

यसैगरी नयाँ शक्तिले नयाँ केन्द्रीय समिति चयन नगरी राष्ट्रिय भेला टुंग्याउने निर्णय गरेको छ । १२ वटा समूहमा विभाजित प्रतिनिधिले तीन वटा कार्यपत्रमाथि टिप्पणी गरिरहेका छन् ।