भुकम्प पीडित कोटामा क्यानडा पठाईदिने भनी ठगी गर्ने पक्राउ

नेपाल प्रहरीले जानकारी केन्द्रलाइ बताए अनुशार भुकम्प पीडित कोटामा क्यानडा पठाई दिने भनी ठगी गर्ने काठमाडौ धापासी घर भई हाल टोखा नगरपालिका–८ बस्ने ३१ बर्षीय देव जङ्ग पण्डितलाई प्रहरीले पक्राउ गरेको छ ।
पण्डितले क्यानडाको लागि भुकम्प पीडितको कोटा आएको छ भनि बुढानिलकण्ठ नगरपालिका–१७ बस्ने मच्छे श्रेष्ठलाई बिश्वास दिलाई पटक पटक गरी २२ लाख आई.एम.ई गरि खातामा राख्न लगाएपछि क्यानडा पठाउने भनि साउथ अफ्रिकासम्म पुर्याई अलपत्र पारी फरार भएका थिए ।
पीडित आफै नेपाल फर्किई महानगरीय अपराध महाशाखामा निबेदन दिएकोपछि महाशाखाबाट  खटिएको प्रहरी टोलीले उनलाई बानेश्वरबाट पक्राउ गरेको थियो । निजलाई ठगी मुद्धामा थप अनुसन्धान एवं कारवाहीको लागि महानगरीय प्रहरी परिसर काठमाडौमा पठाइएको प्रहरीले बताएको  छ ।