केही दिन फोन, म्यासेज नगर्नुहोला : शिक्षामन्त्री पुन

काठमाडौं। नवनियुक्त शिक्षामन्त्री डा. महाबीर पुनले केही दिन आफूलाई फोन, म्यासेज नगर्न अपिल गरेका छन्। सामाजिक सञ्जालमार्फत उनले अहिले मन्त्रालयमा ‘गतिलो र शीर्जनशील’ टिम बनाउन व्यस्त रहेको अझै केहि दिन फोन म्यासेज नगर्न अपिल गरेका हुन् ।

‘अस्तिदेखि मोबाईलमा, मेसेन्जरमा र ह्वाट्सअपमा हजारौं कल र मेसेज आई रहेका छन्। म मन्त्रालयमा एउटा गतिलो र सिर्जनशिल टीम बनाउन व्यस्त छु’ उनले भनेका छन् ‘त्यसैले केहि दिनको लागि अनावश्यक फोन नगर्न र मेसेज नपठाउनु होला। धन्यवाद‘।’

मन्त्री भएपछि उनले मन्त्रालयमै डेरा बनाएर बसेका छन्। उनले मन्त्रालयमै खाना पकाउने भान्सा अनि सुत्नेका लागि सामान्य खाटको व्यवस्था गरेका छन्। उनको कार्यालयमा ढोका बाहिर ‘व्यस्त’ लेखिएको बोर्ड पनि राखेका छन्।