बेमौसमी वर्षाले कृषि–पशुपन्छी क्षेत्रमा ३ अर्ब ५४ करोडभन्दा बढी क्षति
काठमाडौं । यस वर्ष विभिन्न समयमा परेको बेमौसमी वर्षाले देशभरका कृषि तथा पशुपन्छी क्षेत्रमा ठूलो क्षति पुगेको छ। यसको प्रत्यक्ष प्रभाव विशेषगरी धानसहितका मुख्य बाली र पशुपालन क्षेत्रमा परेको समितिको प्रतिवेदनले जनाएको छ। बेमौसमी वर्षाबाट प्रभावित क्षेत्रहरूको विवरण सङ्कलन तथा विश्लेषणका लागि गठन गरिएको समितिले हालै कृषि तथा पशुपन्छी विकास मन्त्रालयमा प्रतिवेदन बुझाएको हो।
प्रतिवेदनअनुसार पाँच प्रमुख प्रभावित प्रदेशका १५ हजार ४९९ हेक्टर क्षेत्रफलमा धान, उखु, तरकारी र फलफूलबालीमा क्षति पुगेको छ। यसले गर्दा १ लाख २७ हजार ३८३ मेट्रिक टन उत्पादन घट्ने अनुमान गरिएको छ।
समितिका अनुसार कृषि र पशुपन्छी क्षेत्रमा झन्डै ३ अर्ब ५४ करोड ६१ लाख रुपैयाँ बराबरको हानी भएको छ। मधेश प्रदेश सबैभन्दा बढी प्रभावित — करिब ३ अर्ब २२ करोड ४७ लाख रुपैयाँ बराबरको क्षति भएको छ।
धान, तरकारी, फलफूल, उखु र पशुधन सबै क्षेत्रमा असर परेको छ। कोशी प्रदेश ३६ करोड ८३ लाख ८९ हजार रुपैयाँ को क्षति भएको छ। बागमती प्रदेश २ करोड ४ लाख ५४ हजार रुपैयाँ बराबरको क्षति भएको छ। गण्डकी प्रदेश १२ लाख ८० हजार रुपैयाँ को क्षतिपरेको छ। लुम्बिनी प्रदेश १ करोड ५६ लाख १४ हजार रुपैयाँ बराबरको क्षति भएको छ।
समितिले बाढी–पहिरो तथा बेमौसमी वर्षाबाट प्रभावित साना किसानलाई सहजीकरण गर्न पशुपन्छी पालन पुनर्स्थापना कार्यक्रम प्रभावकारी रूपमा लागू गर्न मन्त्रालयलाई सुझाव दिएको छ।
समितिको प्रतिवेदनले आगामी वर्षहरूमा रोकथाम र राहत प्रणाली थप मजबुत बनाउनु अपरिहार्य रहेको उल्लेख गरेको छ।
सम्बन्धित समाचार
प्रधानमन्त्री बालेन शाह आज भारत भ्रमणमा जाँदै
रेडक्रसको सदस्यता अब अनलाइनबाटै, मोबाइल एपबाट लिन र नवीकरण गर्न सकिने
आठौँ कृषि यान्त्रीकरण एक्स्पोको आज दोस्रो दिन, पहिलो दिन ९ हजार ६६६ ले गरे अवलोकन
आठौँ अन्तर्राष्ट्रिय कृषि यान्त्रीकरण प्रदर्शनी आजदेखि सुरु
नेप्सेमा ७ अंकभन्दा बढीको गिरावट, कारोबार रकममा भने सामान्य सुधार
यान्त्रीकरण प्रदर्शनीमा राउटे समुदायका उत्पादनलाई स्थान, रैथाने प्रविधिलाई प्राथमिकता
ट्रेन्डिङ
नेपाल बैंकको मोबाइल एपबाटै बिना धितो २ लाख रुपैयाँसम्म कर्जा लिन सकिने
यान्त्रीकरण प्रदर्शनीमा दैनिक ५० जनालाई उपहार, अन्तिम दिन मिनी ट्रेलर जित्ने मौका
क्यूजे मोटर नेपालद्वारा पारस खड्का ब्रान्ड एम्बेसडरको रूपमा नियुक्त
आज देखि काठमाडौँ उपत्यकामा पशु वधवाला तथा मासु जाँच ऐन लागू
२०८३ मंसिर ३ गते बिहिबार ,यस्तो रहेको छ तपाईको आजको राशिफल
