अवैध रुपमा ल्याएको सुनसहित पक्राउ

अवैध रुपमा ल्याएको ४ सय ग्राम सुनसहित ३ जनालाई आइतबार प्रहरीले पक्राउ गरेको छ । कतारको दोहा हुँदै दिल्लीबाट काठमाडौं आएका यात्रु तथा कलेक्टरलाई चेकजाँच गर्ने क्रममा स्याङ्जा पञ्चामुल–१ बस्ने ४२ वर्षीय नारायण प्रसाद तिवारीको साथबाट १ सय ५० ग्राम सुन, कास्की थुम्कीडाँडा–८ बस्ने २४ वर्षीय श्रीराम सापकोटाको साथबाट १ सय ५० ग्राम सुन र कलेक्टर तनहुँ श्याम्घाका २४ वर्षीय सुरेश गिरीको साथबाट १ सय ग्रामको सुनको ब्रास्लेटसमेत गरी उक्त परिमाणको सुनसहित उनीहरुलाई प्रहरीले नियन्त्रणमा लिएको नेपल प्रहरीले बताएको छ ।