सिजी ब्रान्डको ‘क्यान यु सल्भ द पजल’ : सीजी ब्रिजर २२ एयर कुलर विजेता बने नुवाकोटका श्याम रिजाल

काठमाडौँ । नेपालको अग्रणी तथा सर्वाधिक विश्वासिलो इलेक्ट्रोनिक्स ब्रान्ड सिजीले सञ्चालन गरेको “क्यान यु सल्भ द पजल” नामक विशेष कन्टेस्टको विजेता घोषणा गरेको छ।ग्राहकहरूसँगको अन्तर्क्रियालाई अझ प्रगाढ बनाउन र उहाँहरूलाई मनोरञ्जन प्रदान गर्ने उद्देश्यले ब्रान्डले यो कन्टेस्ट सञ्चालन गरेको कम्पनीले बताएको छ। ग्राहकहरूको उत्साहजनक र व्यापक सहभागिता रहेको यस रोमाञ्चक प्रतियोगितामा नुवाकोट निवासी श्याम रिजाल विजेता बनेका छन्।

विजेता श्याम रिजाललाई सानेपास्थित सिजी इलेक्ट्रोनिक्सको कार्यालयमा आयोजित एक कार्यक्रमका बीच सिजी ब्रान्डका सेल्स म्यानेजर बद्रीनाथ रायले आकर्षक उपहार स्वरूप गर्मी मौसमका लागि अत्यन्तै उपयोगी र उत्कृष्ट सीजी ब्रिजर २२ एयर कुलर हस्तान्तरण गरे ।

यस प्रतियोगितामा ग्राहकहरूबाट प्राप्त अपार सहभागिताले सिजी ब्रान्डप्रतिको माया र विश्वासलाई फेरि एकपटक प्रमाणित गरेको कम्पनीको विश्वास छ।

‘एक्सपेरियन्स लाइफ सीजि’ को मूल नारालाई आत्मसात गर्दै, आगामी दिनहरूमा पनि आफ्ना ग्राहकहरूको दैनिक जीवनलाई सहज बनाउनुका साथै उहाँहरूसँग जोडिन र खुसी साट्न यस्तै रोमाञ्चक र आकर्षक प्रतियोगिताहरू ल्याइरहने सीजिको प्रतिबद्धता रहेको बताइएको छ।