केही नेताहरुले गर्दा देश मुठभेड तर्फ जाने चिन्ता – नेता हृदयेश त्रिपाठी

रबिन्द्र यादव/ मंसिर १ नवलपरासी । पुर्व भौतिक योजना तथा यातायात व्यवस्था मन्त्री एवं तराई मधेस लोकतान्त्रिक पार्टीका वरिष्ठ उपाध्यक्ष हृदेश त्रिपाठीले केही नेताहरुको कारण देश मुठभेड तर्फ धकेल्ने चिन्ता ब्यक्त गर्नु भएको छ। प्रचण्ड सरकारसँग गरिएको तीन बुँदे सहमति अन्तर्गत प्रमुख तेस्रो बुँदा संविधान संशोधनमा मार्फत सिमाकंनमा आलटाल गरि वर्तमान सरकार सत्ता लम्ब्याउन खेल खेल्न खोज्दा पुनः मधेसी मोर्चा आन्दोलनमा उत्रिने संकेत देखिएको बताउँदै उनले वर्तमान सरकारले देशलाई संकटमा पार्न खोजेको आरोप लगाउनु भएको छ ।देशभरि वितरण भैरहेको तमलोपा साधारण सदस्यता अभियान अन्तर्गत तमलोपा नवलपरासीको जिल्ला कार्य समिति रामग्राम-३ परासी मा आयोजित कार्यक्रममा बोल्दै नेता त्रिपाठीले संविधान संसोधन एवं परिमार्जित नगरि स्थानिय निकायको चुनाव गर्न खोजे आफूहरुले त्यसको कडा विरोध गर्ने बताए, साथै संविधान संसोधन गरि मधेसी थारु दलित महिला जनजातिको अधिकार सुनिश्चित गरे अाफ्नो पार्टी र मोर्चा निर्वाचनमा सहभागी हुन सक्ने समेत बताउनु भयो ।संविधान संशोधन प्रस्ताव दर्ता गराउन विभिन्न बहानाबाजी भइरहेको दाबी गर्दै उनलेआफूहरुको सहमति बिना मधेसमा स्थानिय निकायको चुनाव हुनै नसक्ने दाबी गर्नु भयो । यसैबिच बरिष्ठ उपाध्यक्ष त्रिपाठीले आजबाट शुरु भएको सदस्यता वितरण अभियानबाट १सय ५० जना भन्दा बढि कार्यकर्ता र विभिन्न पार्टी परित्याग गरि अाउने नेता र कार्यकर्ता लाई तमलोपाको सदस्यता वितरण गरेकाछन् ।