राष्ट्रिय विपदमा शंकर ग्रुपको ४ करोड सहयोग,२५ लाखका टार्पोलिन टेन्ट पनि वितरण

काठमाडौँ । राष्ट्रिय विपदबाट प्रभावित नागरिकको राहत तथा पुनर्स्थापनाका लागि शंकर ग्रुपले रु.४ करोड सहयोग गरेको बताएको छ ।

शंकर ग्रुपका निर्देशक दीपा अग्रवालसहित वरिष्ठ व्यवस्थापन टोलीले प्रधानमन्त्री राहत कोषमा जम्मा हुने गरी अर्थमन्त्रीलाई रु.करोडको चेक हस्तान्तरण गरेका हुन् ।

ग्रुपले विपद्को तेस्रो दिनमै गृह मन्त्रालयको समन्वयमा भैरहवाका प्रमुख जिल्ला अधिकारीमार्फत विस्थापित नागरिकका लागि रु.२५ लाख बराबरका २ हजार ५ सय थान टार्पोलिन टेन्टसमेत उपलब्ध गराएको जनाएको छ ।

विपदमा ज्यान गुमाउनेप्रति श्रदाञ्जली तथा शोकाकुल परिवारप्रति समवेदना व्यक्त गर्दै ग्रुपले बेपत्ता नागरिकको सकुश उद्दारको कामना गरेको छ । त्यस्तैगरी शंकर ग्रुपले उद्धार तथा राहतमा खटिएका नेपाली सेना,सशस्त्र प्रहरी,नेपाल प्रहरी,स्वयंसेवक तथा सरकारी अधिकारप्रति आभार व्यक्त्त गरेको छ ।

राष्ट्रिय संकटको समयमा सरकार र नागरिकसँग सहकार्य गर्नु आफ्नो दायित्व भएको भन्दै शंकर ग्रुपले आगामी दिनमापनि राहत तथा पुनर्स्थापनाका कार्यमा सहयोग जारी राख्ने प्रतिबद्धता जनाएको छ ।