फ्रान्समा १५ वर्षमुनीका बालबालिकालाई सामाजिक सञ्जालमा रोक

पेरिस । फ्रान्स सरकारले १५ वर्षमुनिका बालबालिकालाई सामाजिक सञ्जाल प्रयोगमा रोक लगाउने नयाँ कानूनी प्रस्ताव अघि बढाएको छ ।

राष्ट्रपति इमानुएल म्याक्रोनले सरकारले संशोधित मस्यौदा युरोपेली आयोगलाई जानकारी गराइसकेकोे बताएका छन् । यसअघि ल्याइएको कानुनलाई संवैधानिक परिषदले अभिव्यक्ति स्ततन्त्रतामा आवश्यकताभन्दा बढी हस्तक्षेप भएको भन्दै खारेज गरको थियो ।

बालबालिका तथा किशोरकिशोरीमा सामाजिक सञ्जालको नकारात्मक प्रभाव कम गर्न नयाँ व्यवस्था ल्याउन लागिएको म्याक्रोनले बताएका छन् । आफ्नो कार्यकाल सकिनुअघि नै प्रतिबन्ध लागू गर्ने उनको लक्ष्य रहेको छ ।

उनले युरोपेली संंघका अन्य देशलाई पनि बालबालिकालाई सामाजिक सञ्जालबाट सुरक्षित राख्न समान व्यवस्था अपनाउन आग्रह गरेका छन् ।