सडक बिग्रिए अब मोबाइबाटै गुनासो राख्न सकिने, काठमाडौँमा सुरु भयो ‘सडक सुझाव एप’

काठमाडौँ । उपत्यकाका संघीय सडकमा देखिएका समस्या तथा सडक मर्मत सम्बन्धी गुनासो अब मोबाइल एपबाटै दर्ता गर्न सकिने भएको छ । सडक डिभिजन काठमाडौँले सडक सुझाव एप सञ्चालनमा ल्याएसँगैँ नागरिकले सडक सम्बन्धित निकायसम्म पठाउन सक्ने भएका छन् ।

एपमार्फत सडकमा देखिएको समस्या,मर्मतको आवश्यकता तथा अन्य सुझाव पठाउन सकिनेछ । ग्नासो दर्ता गरेपछि त्यसको अवस्था कहाँसम्म पुगेको भन्ने जानकारी एपबाटै हेर्न सकिने व्यवस्था गरिएको छ ।

सम्बन्धित समस्या समाधान भएपछि त्यसको जानकारी समेत प्रयोगकर्ताले एपमार्फत प्राप्त गर्न सक्नेछन् ।

हाल यो सेवा काठमाडौँ उपत्यकाभित्र संघीय सडकअन्तर्गत गर्ने करिब ४७२ किलोमिटर सडकमा लागू हुनेछ । संघीय सडकको जिम्मेवारीमा नपर्ने सडकको हकमा भने उक्त सडक कुन निकायअन्तर्गत पर्छ भन्ने जानकारी समेत नागरिकलाई उपलब्ध गराइनेछ ।

सडक सम्बन्धि समस्या छिटो पहिचान गरी समाधान गर्ने उद्धेश्यले सुरु गरिएको यो प्रणालीलाई थप विस्तार गर्ने तयारी भइरहेको छ । आगाम्री दुई साताभित्र ललितपुर र भक्तपुरलाई पनि प्रणलीमा जोड्ने योजना रहेको छ ।

तयसपछि क्रमशः देशका अन्य क्षेत्रमा समेत सडक सुझाव एप विस्तार गरी सडक सम्बन्धी गुनासो व्यवस्थापकलाई देशव्यापी बनाउने लक्ष्य राखिएको छ ।