रिडाराले ल्यायो ‘चाडपर्वको रोमाञ्चक यात्रा’ अभियान,रिडारा इकोन किन्दा नथिङ फोन ए ४ प्रो सित्तैमा

काठमाडौं । जिली अटो समूहअन्तर्गतको विश्वव्यापी विद्युतीय सवारी ब्रान्ड रिडाराले चाडपर्वलाई लक्षित गर्दै ‘चाडपर्वको रोमाञ्चक यात्रा’ अभियान सार्वजनिक गरेको छ। कम्पनीका अनुसार,यस अभियानअन्तर्गत रिडारा इकोन विद्युतीय पिकअप खरिद गर्ने ग्राहकले आकर्षक उपहार तथा बम्पर पुरस्कार जित्ने अवसर पाउनेछन्।

अभियान अवधिभर रिडारा इकोन खरिद गर्ने प्रत्येक ग्राहकले नथिङ फोन ए ४ प्रो पक्का उपहार प्राप्त गर्नुका साथै, एक भाग्यशाली ग्राहकले बम्पर पुरस्कारस्वरूप हिरो एक्सपल्स प्रो मोटरसाइकल जित्ने अवसर पाउने जनाइएको छ।

चाडपर्वको यात्रालाई अझ सहज, आरामदायी र रोमाञ्चक बनाउने उद्देश्यले यो अभियान ल्याइएको कम्पनीको  दाबी छ । दैनिक यात्रा, व्यावसायिक प्रयोग तथा साहसिक यात्राका लागि तयार गरिएको रिडारा इकोनमा आधुनिक विद्युतीय प्रविधि, उपयोगिता र भरपर्दो कार्यक्षमताको राम्रो संयोजन रहेको जनाइएको छ।

कम्पनीका अनुसार, नेपालका विभिन्न सडकमा सहज रूपमा चलाउन सकिने रिडारा इकोन चारपाङ्ग्रेमा २२५ मिलिमिटरको न्यूनतम जमिन दूरी, ४८५ न्यूटन–मिटरको अधिकतम घुमाउरो बल र १,२३५ किलोग्रामसम्मको भारवहन क्षमता रहनुका साथै यी विशेषताले यसलाई सहरी सडक, राजमार्ग, उकालो बाटो तथा कठिन भूभागमा समेत उपयोगी बनाउँछन्।

रिडारा इकोनमा सुरक्षा र टिकाउपनलाई पनि विशेष प्राथमिकता दिइएको  छ भने यसमा ब्याट्री सुरक्षाका छ वटा प्रमुख प्रविधि तथा धुलो र पानीबाट सुरक्षा प्रदान गर्ने आईपी ६८ स्तरको ब्याट्री प्याक उपलब्ध रहेको बताइएको छ। सिजी मोटर्सका अनुसार, फराकिलो क्याबिन, आकर्षक डिजाइन र उपयोगी सामान राख्ने स्थानले यसलाई व्यक्तिगत तथा व्यावसायिक दुवै आवश्यकताका लागि उपयुक्त बनाउँछ।

‘चाडपर्वको रोमाञ्चक यात्रा’ अभियानमार्फत रिडाराले चाडपर्वलाई अझ उत्साहपूर्ण बनाउँदै ग्राहकलाई विद्युतीय सवारीसँग नयाँ यात्रा र सम्भावना अनुभव गर्न प्रोत्साहित गर्ने लक्ष्य राखेको जनाइएको छ।

यो अभियान असोज ६ गतेदेखि कात्तिक २९ गतेसम्म सीमित अवधिका लागि लागू हुने सिजी मोटर्सले बताएको छ।