नेपाल प्रहरीले जानकारी केन्द्रलाइ बताए अनुशार लागूऔषध खैरो हेरोइन मुद्दामा बारा जिल्ला अदालतको फैसलाले ५ वर्ष कैद र १० हजार जरीवाना ठहर भई सजाय वेरुजु रही फरार रहेका काठमाडौँ महानगरपालिका–१३ बाफल बस्ने २५ बर्षीय प्रवेश बराललाई नेपाल प्रहरीको केन्द्रीय अनुसन्धान ब्यूरोले मंसिर १५ गते बाफलबाट पक्राउ गरेको छ ।
उनलाई फैसला कार्यान्वयनको लागि मंसिर १६ गते काठमाडौँ जिल्ला अदालतमा पेश गरेकोमा अदालतको आदेशले कैद भुक्तानको लागि केन्द्रीय कारागार कार्यालय सुन्धारा पठाइएको छ ।
बराल समेतले २०६५ असोज २८ गते वीरगञ्ज पुगी ४ हजारमा लागूऔषध खैरो हेरोइन खरिद गरी सोही दिन वीरगञ्जबाट काठमाडौँतर्फ फर्कँदै गर्दाको अवस्थामा बारा, पिपरा सिमरा–९ स्थित राजमार्गमा स्थानीय प्रहरीले चेकजाँचको क्रममा निजहरुको साथबाट १४ ग्राम लागूऔषध खैरो हेरोइन बरामद गरेको थियो । अनुसन्धानको क्रममा निजले लागूऔषध खरिद बिक्रि तथा सेवन समेत गर्ने गरेको खुल्न आएको थियो ।
उक्त मुद्धामा बराललाई दोषी ठहर गर्दै बारा जिल्ला अदालतले लागू औषध नियन्त्रण ऐन, २०३३ बमोजिम सजाय गरेको थियो तर निज प्रतिबादी अदालतको फैसला पछि काठमाडौँमा लुकिछिपि बस्दै आएका थिए ।