ट्रयाक्टर दुर्घटनामा परि राैतहटमा तिनजनाकाे मृत्यु

जानकारी केन्द्र

२०७३, पुष, २७

ट्रयाक्टर दुर्घटनामा परि राैतहटमा तिनजनाकाे मृत्यु

रोसन पोख्रेल, राैतहट

रौतहटमा भएको ट्रयाक्टर दुर्घटनामा परि दुई जनाको मृत्यु भएको छ । जिल्लाको गा.वि.स. भलोहिया–३ स्थित कर्बोल गाँउ भित्रि सडक खण्डमा भलोहियाबाट धरमपुर तर्फ जादै गरेको ना.२ त. ८४१२ नम्बरको ट्याक्टर अचानक नियन्त्रित भई पल्टिन जादा दुइको मृत्यु भएको हो ।

मृत्यु हुनेमा ट्याक्टर चालक गा.वि.स भलोहिया–२ बस्ने बर्ष १९ को दिलिप महतो र सोहि ट्याक्टरमा सवार गंगा पिपरा– १ बस्ने बर्ष ३० को देबेन्द्र तिवारी रहेका छन । दुवै जनाको ट्याक्टरकले च्यापी घटनास्थलमा नै मृत्यु भएको प्रहरीले जनाएको छ । घटनाको सुचनासंगै जिल्ला प्रहरी कार्यालयको अनुसन्धान अधिकृतको टोली घटनास्थलमा पुगी अनुसन्धान कार्य गरिरहेका छन ।

यस्तै हिजो भएको ट्रयाक्टर दुर्घटनामा परी जिल्लाको गाउँ विकास समिति मर्यादपुरमा एक जनाको मृत्यु भएको थियो ।

ना २ त ६६६६ नम्बरको ट्रेक्टर दुर्घटनामा परी स्थानीय वार्ड नंबर ३ निवासी लालबाबू यादवको मृत्यु भएको जिल्ला प्रहरी कार्यालयका प्रवक्ता प्रहरी नायव उपरीक्षक नविनकृष्ण भण्डारीले बताएका छन । ट्रेक्टरका चालक फरार रहेकोले खोज तलास भई रहेको प्रहरीले जनाएको छ ।