रबिन्द्र यादव / परासी २८ पुष ।
पाल्ही प्राथ्मिक स्वास्थय केन्द्र नवलपरासीको निर्माणाधिन भवनमा कमसल साम्रगी प्रयोग गरि ठेकेदार कम्पनीले करोडांैको अनियमितता गर्न खोजेको स्थानियले आरोप लगाएका छन् । तोकिएको म्याद भन्दा एक महिनाबढि नै कटीसक्दा पनि ठेकेदारले हतारहतारमा काम सम्पन्न गर्न गुणस्तरहिन सामाग्री प्रयोग गरि अनियमितता गर्न खोजेको स्थानियको आरोप छ ।सहरी विकास तथा भवन निर्माण विभाग डिभिजन कार्यालय चितव र दि कंचनजंगा कैलाश जे.भी ठेकेदार कम्पनी संग उक्त भवनको निर्माणका लागि २०७१ मंसिर २४ गते सम्झौता भएको थियो ।
सम्झौतामा ठेकेदार कम्पनीले २०७३ मंसिर २३ गते उक्त भवनको निर्माण कार्य सम्पन्न गरि स्वास्थ्य केन्द्रलाई बुझाउन पर्नेमा कम्पनीलेनिर्माण काममा ढिलाई गरेपछि अझै ४० प्रतिशत काम हुन बाकी रहेको स्थानियले बताए । ठेकेदार कम्पनीले स्टिमेट बाहिर रही स्थानिय झरही खोलाको बालुवा, स्थानिय युबीआई ईट्टाभट्टाको थर्ड कलासको ईट्ट्टा, पात्लो छड र लोकट सिमेन्टहरु प्रयोग गरि भ्रष्टाचार गर्र्न खोजेको नागरिक समाजका अध्यक्ष सम्भु उपाध्यायले आरोप लगाउनु भयो ।उक्त निर्माणधिन भवन जिल्लाको स्वास्थ्य क्षेत्रमा पहिलो सुविधा सम्पन्न भवन रहने जिल्ला स्वास्थय कार्यालयले जनाएको छ । जिल्लाको पाल्ही गाविसमा निर्माणधिन ढाई तल्ले भवनमा फारमेसी, टिकट काउटर, जेनेर र ईमजेन्सी वार्ड, ल्याब, ओपीडी, डाक्टर कक्ष र कार्यालय समेतको व्यवस्था रहने कार्यालयले जनाएको छ । सो भवनको लगत स्टिमेट ८ करोड, ५ लाख, ४५ हजार २९० रुपिया रहेपनि दि कन्चनजंघा कैलाश जे.भि. कम्पनीले ६ करोड ४९ लाख १२ हजार ६६४ रुपियामा उक्त भवनको निर्माण कार्यको ठेक्का कबोल गरि ठेक्का लिएको थियो । लगत स्टिमेट भन्दा तल झरि कम्पनीले ठेक्का लिएपछि आफ्नो मार्जिन निकाल्न साईट ईन्जिनियर, सब ईन्जिनियर र सहरी विकास तथा भवन निर्माण विभाग डिजन कार्यालयको साँठगाँठमा ठेकेदारले कराडांैको रकम अपचलन गर्न खोजेको स्थानिय अल्बेदा देवानले आरोप लगाए ।स्थानियले भवनको अनुगमन गर्दा कमसल ईट्टा, बालुवा र सिमेन्टहरु फेला पारेपछि भवनको निर्माण कार्य रोकाउन जिल्ला प्रशासन कार्यालयमा आग्रह गरेका थिए । ठेकेदार कम्पनीलेजोडाई र प्रलष्टरका लागिजुनसुकै बालुवा उपयुक्त रहने र कमसल ईट्टा, हामीबाहिर भएको बेला ईट्टा भट्टाले अर्काे ठाउँको ईट्टा हामी कहाँ झारेको सफाई दिदै बचेका ईट्टा फर्काउदै पुनः काम सुचारु गरेको छ । एक त निर्माण म्याद गुजरीसक्दापनि ठेकेदार कम्पनीलेभवनको निर्माणकार्य गर्दै छ अर्काे तर्फ गुणणस्तरहिन सामाग्री प्रयोग गर्दै छ कहाँ छ सम्बन्धित निकाय ? एक स्थानियले प्रश्न गरे ।
उनले भने, मैला थाहा पाएपछि भनि रहदा ठेकेदार कम्पनीले अटेरी गर्दैे गुणस्तरहिन सामाग्री हाली छिटो छिटो भवनको काम गर्दै गएछ कसैको सुने छैन त्यसमामलाई धम्की समेत दिदै आएको उनले आरोप लगाए ।सहरी डिभिजन कार्यालयको र साईट ईन्जिनियरको साँठगाँठमा ठेकेदारले आफ्नै तालमाभवनको निर्माण काम हाक्दै गएछ । भोलीका दिनमा अगतिलो कामले भवनको कमजोर हुदै जाँदा समस्या र चुनौती यहाँकै जनताहरुले भुग्तन पर्ने स्थानियले दुखेसो पोखे ।
