कर्म गरेर आफ्नो परिचय दिनुस ः निर्मल

पुजन धिताल, धुलिखेल

पशु सेवा विभागका महानिर्देशक बिमल कुमाल निर्मलले एक गाउँ विकास समिती एक पशु सेवा प्राविधिकको रुपमा काभ्रेबाट खटिएका ५३ जनालाई कर्म गरेर परिचय दिन निर्देश गरेका छन् । सोमबार जिल्ला पशु सेवा कार्यलयको अभिमुखीकरणलाई सम्बोधन गर्न धुलिखेल आएका निर्मलले उनीहरुलाई किसानको सेवा र मन जितेर आफ्नो परिचय दिन आग्रह गरेका हुन् ।

उनले नेपालको तेस्रो ठुलो विभाग पसु सेवा विभिाग नै भएको दावी गर्दै जीवीकोपार्जन गर्नको लागी यो क्षेत्रले व्यवसायीकतालाई आत्मसात गर्दै जान सके आत्म निर्भर हुँदै निर्यातको स्थिीती समेत आउन कुनै समय नलाग्ने समेत बताएका छन् ।

नव नियुक्त भएर गाविस स्तरीय क्षेत्रहरुमा खटिन लागेका प्राविधिकहरुलाइृ लक्षित गर्दे उनले काभ्रे जिल्ला सदा झैँ अगुवा जिल्लाको रुपमा रहनेमा आफु विश्वस्त रहेको बताएका छन् ।

उनले मध्यमाञ्चल बिकामस क्षेत्रहरुको पनि पशुपालन क्षेत्रमा अग्रणी जिल्लाको रुपमा परिचित काभ्रेले छिट्टै नै मासु र अण्डामा पनि आत्मनिर्भर जिल्ला हुनेमा कुनै दुई मत नरहेको बताएका छन् । पछिल्लो समय केहि महिना अघि मात्रै काभ्रेलाई दुधमा आत्मनिर्भर जिल्लाको रुपमा घोषणा गरिएको थियो ।

कार्यक्रममा जिल्ला पशु सेवा कार्यलय काभ्रेका बरिष्ठ पसु बिकास अधिकृत नारायण बहादुर श्रेष्ठ,निजामती कर्मचारी ट्रेड युनियनका काभ्रे अध्यक्ष राजकुमार हुमागाँई बिमा समितीका दिपक पौडेल,जिल्ला सहकारी संघका बिनोद पराजुली ,नेभ्ला काभ्रेका अध्यक्ष कृष्ण सापकोटा सचिव सागर सापकोटा ,लगायतले कार्यक्रममा मन्तव्य राखेका थिए ।

नेपालभरिबाट पछिल्लो समय विभिन्न ७३ जिल्लामा गरि १५ सय पसु सेवा प्राविधिकहरु विभिन्न गाविस स्तरीय रुपमा खटिँदै छन् ।काभ्रे जिल्लामा अब ७ गा.विस बाहेक ५३ गाविसमा प्राविधिकहरुले सेवा दिने छन् ।