सिमा क्षेत्रमा कड़ाईका साथ निगरानी गर्न प्रजिअ थापाको निर्देशन

राकेश यादव

प्रमुख जिल्ला अधिकारी उदव बहादुर थापाले खुल्ला सिमानामा कड़ाईका साथ चोरी निकासी पैठारी प्रति निगरानी गर्न सुरक्षाकर्मीलाई निर्देशन दिनु भएको छ ।

६५ औ अन्तर्राष्ट्रीय भंसार दिवसको अवसरमा जिल्ला भंसार कार्यालय गौरमा आयोजित कार्यक्रममा संबोधन गर्दै प्रमुख जिल्ला अधिकारी थापाले यस्तो निर्देशन दिनुभएको हो । देशको मेरुदण्डको रुपमा भंसार राजश्व रहेकोले रौतहटको मुख्य नाकामा रहेको भंसार कार्यालयले चाहिने जति राजश्व संकलन गर्न न सक्नु दुखद रहेको बताउनु भयो ।

उहाले कर तिर्नु व्यापारीहरुको कर्तव्य रहेको बताउँदै व्यापारीहरुले सामान ल्याउँदा वास्तविक मूल्य राखेर कर तिर्नलाई आग्रह समेत गर्नु भयो । लक्ष्य अनुसार कर संकलन भए देशको आर्थिक अवस्था बलियो हुने र देश विकासको तर्फ अग्रसर हुने धरना राख्दै नेपाल प्रहरी, सशस्त्र प्रहरी र भंसार कार्यालयका कर्मचारीलाई इमान्दारिताका साथ दायित्व निर्वाह गर्नु पर्ने जोड़ दिएका छन । निमित प्रमुख विमल साहको सभापतित्वमा कार्यक्रम संपन्न भएको थियो ।