एमाले अभियान बाँकेमा बसमाथि बम प्रहार

नेपालगंज। संयुक्त लोकतान्त्रिक मधेसी मोर्चाले प्रमुख प्रतिपक्षी दल नेकपा एमालेको मेची–महाकाली अभियानमा सहभागि हुन आएको बसमाथि बम प्रहार गरेको छ ।

एमालेको बाँकेको अभियानमा सहभागि हुन गाउँबाट आएको गाडीमा बम प्रहार गरेको हो। मंगलबार एमालेको सभा विथोल्न मोर्चाले गरेको बाँके जिल्ला बन्दमा गाडी चलाएको भन्दै पेट्रोल बम हानिएको मोर्चाले जनाएको छ।

उक्त गाडीमा गाउँबाट सभाका लागि एमालेका कार्यकर्ता आउँदै थिए । पेट्रोल बम प्रहार गरिएको भे १ ख २०४२ नम्बरको बसमा समान्य क्षति पुगेको प्रहरीले जनाएको छ ।

तर एमालेको मुल जुलुशमा भने दशौं हजार स्थानीयको सहभागिता रहेको छ । बम प्रहारी गरी मोर्चाले गरेको हिंसात्मक अवरोधका वावजुद राजमार्गको २३ किलोमिटर क्षेत्र एमालेको जुलुशले भरिएको छ ।