स्वास्थ्य सेवाको क्षेत्रमा पछाडि रहेको रौतहटमा सघन निशुल्क स्वास्थ्य शिविर शुरु

रौतहट । ८ चैत्र ।

स्वास्थ्य मन्त्रालयको आयोजन तथा नेपाली सेनाको सहकार्यमा पहिलो पटक रौतहटको गौरमा सघन निशुल्क स्वास्थ्य शिविर मंगलवार देखि शुरू भएको छ ।

महिलाहरुमा देखिने पाठेघरको समस्या तथा पुरुषहरुमा हुने हाइड्रोशील, हर्निया, फिस्टुला, बाबासिर,भगन्दर रोगको शल्यक्रिया गरी नियंत्रण गर्ने उद्देश्यले शिविरको आयोजन गरिएको डा. उदय बज्राचार्यले बताएका छन । विहान ८ बजेबाट शुरु भएको शिविरमा स्वास्थ्य परिक्षण गराउन आउने सर्वसधारणहरुको ठुलो भिड लागेको छ ।

स्वास्थ्यको क्षेत्रमा पछाडि परेको कारण रौतहतलाई नै सरकारले छनौट गरी शिविर सञ्चालन गरेको डा. बज्राचार्यले बताए । ५ सय जनालाई शैल्यक्रिया गर्ने लक्ष्य रहेपनि आवश्यकता अनुसार संख्या बढाउन सकिने उनको भनाइ रहेको छ । जिल्ला अस्पताल र व्यारेक मैदानमा लगाइएको शिविरमा ऑपरेशन भईरहेको जिल्ला स्वास्थ्य कार्यालयले जनाएको छ ।