रबिन्द्र यादव/नवलपरासी

स्थानीय तहको निर्वाचन नजिक्दै जादा नेपाली कांग्रेसमा प्रवेश गर्नेको लहरनै चलेको छ । चुनावलाई मध्यनजर गरी नेपाली कांग्रेस नवलपरासीद्धारा सञ्चालन भएका कांग्रेस जागरण अभियानको क्रममा ठुलो जमातमा सर्वसाधरणहरु स्वतस्फुर्त नेपाली कांग्रेसमा प्रवेश गरेको पाईएको छ ।

भौगोलिक बनौटले तिन तल्ले जिल्ला मानिएको नवलपरासीमा यो लहर सिमावर्ति मधेस क्षेत्र , भित्री मधेर र पहाड क्षेत्रमा बिभिन्न गाँउ टोलहरु कांग्रेसमय बन्दै गएका छन् । यसै क्रममा आज बर्दघाट नगरपालीका वडा नम्बर २, साविकको धुर्काेट गाविसका आमबास र बांसखोलाका अधिकांसले कांग्रेसमा प्रवेश गरेका छन् ।

नेपाली कांग्रेसका नेता एवं नवलपरासी क्षेत्र नम्बर ५ का सांसद बिक्रम खनालको आतिथ्यमा भएको उक्त कार्यक्रममा बिभिन्न पार्टि परित्याग गरि २ सय भन्दा बढि जना सर्वसाधरणले कांग्रेसमा प्रवेश गरेको नेता खनालले जानकारी दिनुभयो । कार्यक्रममा बोल्दै नेता खनालले नेपालको तराई मधेस , पहाड र हिमाली सबै क्षेत्रका जनतालाई मिलाएर देशको निकास र बिकास कांग्रेसले मात्र गर्न सक्ने जिकिर गर्नु भयो । कांग्रेसमा प्रवेश गरेकालाई बधाई दिदै नेता खनालले नेपाली कांग्रेस हरेकपल जनताको साथमा रहेको बताउनु भयो ।