पत्रकार कार्कीलाई चन्द्रपुर नगरको मेयरमा उठाउनु पर्छ भन्नेहरुको जमात बढदै

लामो समय देखि पत्रकारीता पेशामा रहनु भएका संजय कार्की समाजसेवा पनि सक्रिय रहनुभएको छ । पत्रकारिता मार्फत समाज सेबा र राजनीतिमा प्रबेश गर्नुभएका कार्कीले सेबाको भाबनाले उनी सबैको मनमा डेरा जमाउन सफल भएका ब्यक्ति हुन । १२ बर्ष देखि नेपाल प्रेस युनियनमा आबद्ध रहदै आएका कार्कीले केन्द्रिय सदस्यको जिम्मेबारी समेत निर्बिरोध पाएका हुन ।

स्थानीय तहको निर्बाचनमा उम्मेदबार हुने सार्बजनिक उद्घोष नगरे पनि चिया पसल र चौतारामा कार्कीलाई नै चन्द्रपुर नगरपालिकाको मेयरमा उठाउनु पर्छ भन्नेहरुको जमात बढदै गएको छ । उनको पार्टी भित्र भन्दा पनि अन्य पार्टीमा समेत नेपाली काग्रेसको आगामी मेयर संजय कार्की रहेकाले बलियो उम्मेदबार हो भन्ने चर्चा सुनेको पाईन्छ । सो जमातको कदर भएको खण्डमा उनले नेपाली काग्रेसबाट चन्द्रपुर नगरपालिकाको मेयर पदमा उम्मेदबारी दिने छन् । यस बिषयमा संजय कार्कीसंग प्रतिक्रिया लिदा उनले उम्मेदबार दिने आकाक्षा रहनु स्वभाबिकै हो तर जनता माझ चिनिएका र जनताको कामलाई आफ्नो काम भनेर लागि परेको ब्यक्तिमा म पनि पर्ने भएकाले यतिखेर मलाई मेयरको उम्मेदबार बनाउनु पर्छ भन्नेहरुको संख्या बढेर गएको सुनाउछन् ।

उनले जुन सामाजिक संस्थामा पदिय दायित्व लिएका छन् त्यसलाई बफादारीता पुर्बक निर्बाह गरेका कारण जनलोकमा उनको छाप राम्रो रहेको छ । दिन दुखिको आवाजको रुपमा कार्की उदयमान हुन । उनी सामुदायिक सेबा समितिको उपाध्यक्ष, जनज्योति बहुमुखि क्याम्पसको आर्थीक समिति संयोजक, रौतहट फुटबल संघको सदस्य, चन्द्रपुर नगरपालिकाको सामाजिक सुरक्षा भता बितरण समितिको सदस्य भई कार्यरत रहेका छन ।

यति मात्र नभई जिल्ला ट्राफिक प्रहरी भबन निर्माण समितिको सदस्य भई सो भबनको निर्माण कार्य यसै आर्थीक बर्षमा पुरा गराउनु पर्छ भनेर अहोरात्र खटिएका छन् । जुन संस्थामा आबद्ध रहेका छन् सो संस्थाको संस्थागत बिकासमा निष्कलंक भई लागेका कार्कीको जनस्तरबाट आगामी चन्द्रपुर नगरपालिकाको मेयरमा उम्मेदबारी हुने प्रचार समेत आफै हुदै गएको छ । दुई बर्ष देखि उनी गुन्जन एफएमको प्रमुख भई कार्य गर्दा भएको प्रगतिले पनि उनलाई आगामी मेयर पदमा उभ्याउन सजिलो भएको छ । चन्द्रपुर नगरको १० वटा वडामै उनको चर्चा मात्र हैन उम्मेदबारी बनाउनु पर्छ भन्नेहरु थु्प्रै भेटिएका छन ।