हार्डवेयर तथा ईलोक्ट्रनीक्स पसलहरुबाट चोरी गर्ने समूह पक्राउ
काठमाडौं,
उपत्यकाका बिभिन्न इलोक्ट्रोनिक्स पसलहरुमा सटर फोडी चोरी गर्ने कार्यमा संलग्न ३ जनालाई महानगरीय अपराध महाशाखाको प्रहरीले सोमबार पक्राउ गरेको छ ।
पक्राउ पर्नेहरुमा काठमाडौं महानगरपालिका–१६ सोह्रखुट्टे सामाखुशी बस्ने भारत बिहार पूर्विचम्पारण बिशुनपुर, टोनवा पोस्ट अमवा–१० का २२ बर्षीय मन्टुकुमार जैसवाल, ललितपुर सानेपा बस्ने भारत फुलबरिया शहर फलवरिया अंचल थाना ढाका जिल्ला पुर्वि चम्पारणका ३६ बर्षीय नरेश चैधरी र ललितपुर सानेपा बस्ने भारत जमुना शहर बैरगनिया सितामडिका २७ बर्षीय रत्नेशकुमार चौधरी रहेका छन् ।
उनीहरुले बिहानको समय पारी पिकअप भ्यान तथा टाटा मोवाईल गाडी भाडामा लिई बिभिन्न स्थानमा रहेका इलोक्ट्रिनिक्स पसल तथा धारा पानीका सामान बिक्री गर्ने पसलमा गई सटर फोडी चोरी गर्ने गरेको अनुसन्धानबाट खुल्न आएको छ ।
