हरेक बर्षको आवागमनको खुसियालीमा नेपालका फरक–फरक स्थानमा फरक फरक तरिकाले नयाँ बर्षलाई मनाए जस्तै सुदूरपश्चिमका सात पहाडी जिल्लामा पनि नयाँ बर्षको रुपमा बिसु पर्ब हर्सोउल्लासका साथ मनाउने गर्दछन् । बिसौको शाब्दीक अर्थ बिष हटाउने भएको पुराना भनीई हरु रहेका छन । हरेक बर्षको बैशाख १ गते मनाईने यस बिसौ पर्बको अहिले जताततै चहलपहल बढेको छ ।
यस पर्बमा बिष भगाउन १ गतेको बिहानै नुहाएर सिस्नो लगाउने प्रचलन छ । यसरी सिस्नो लगाउदा अगिल्लो बर्षमा आफ्नो शरिरमा कुनै पनि बिसाक्त पदार्थ लागेको छ भने त्यसबाट मुक्त भईने र आउने नयाँ बर्षमा जुन सुकै बिशालु जिबहरुबाट बचिन्छ भन्ने धार्मिक मान्यता रहेको छ । बिसौकै दिन डोटीका बिभिन्न स्थानमा बनबाट घँगारु, किरमडा लगायतका लौरो काटेर ल्याउने र त्यसलाई रंग रोगन गरि आकर्षक बनाई प्रत्येकको घरमा बर्षभरि राख्ने गरि बाड्ने चलन रहेको छ ।
दार्चुला मा विहान३वजे देखि चरिभगाउने र लौरो काटनेगरिन्छ जसले गर्दा चरिले वालि नालि नस्ट नगर्ने भनाई रहेको छ जसलाई स्थानिय भाषामा बिस्य लठ्ठी भन्ने गरिन्छ । यस लौरो घरमा भएमा बिशालु जिब तथा सैतानी शक्ति घरभित्र प्रवेश गर्न नसक्ने भन्ने धार्मिक विश्वास रहेको छ । यसै अबसरमा छोरी बहिनीहरु माईती घर आउने , मिठा मिठा परिकार खाने , आफन्त भेटघाट समेत गरि बिशेष महत्वको साथ मनाउने गरिन्छ ।
