नयाँ बर्षको अवसरमा शुभकामना सन्देश जारी गर्दै पूर्व राजा ज्ञानेन्द्र शाहाले ०६३ सालको जनआन्दोलनका बेला राजनीतिक दलका बीचमा भएको सहमति तोडिएको स्मरण गराउँदै प्रजातान्त्रिक मूल्य, मान्यता र मर्म प्रतिकुल व्यवहार राजनीतिक तहबाट भएको बताएका छन् ।
‘२०६३ सालमा जन चाहनालाई विचार गरी राजनीतिक दलका नेताहरुसंग बनेको सहमति अनूसार संसद पुनस्स्थापना गरिंदा राजनीतिक संकट अन्त्य भई मुलुकमा शान्ति, स्थायित्व र समृद्धिको द्वार खुल्ने अपेक्षा हामी सबैले राखेका थियौं । संसद पुनस्स्थापनापछि पूर्वसहमति प्रतिकुल निर्णय हुँदै जाँदा पनि हामी सबैले देशको भविष्य र जनताको हितलाई केन्द्र विन्दूमा राखी मौनतापूर्वक साथ दिएका हौं,’ पूर्वराजा शाहको शुभकामना सन्देशमा भनिएको छ,‘यस अवधिमा कार्यपालिका,न्यायपालिका र व्यवस्थापिकाबीचको शक्ति सन्तुलन असन्तुलित भएको र विश्वमा प्रचलित प्रजातान्त्रिक मुल्य, मान्यता र मर्म प्रतिकुल व्यवहार राजनीतिक तहमा प्रकट भएको पाइन्छ।’
उनले प्रजातन्त्र र सार्वभौमिक स्वतन्त्रतामाथि खतरा देखिएको विश्लेषण पनि गरेका छन् ।
