नयाँ बर्ष देखि काठमाडौं उपत्यकाभित्र सवारी साधनले हर्न बजाउन पाउने छैनन् । ध्वनी प्रदुषण नियन्त्रण गर्न भन्दै वैशाख १ गतेदेखि काठमाडौं उपत्यकाभित्र गुड्ने सरकारी, निजी, पर्यटकबहाक र सार्वजनिक सवारी साधानले हर्न बजाउन पाउने छैनन् ।
यदी यो नियम उल्लङ्घन गरिएमा ट्राफिक प्रहरी र यातायात व्यवस्था विभागले पाँच हजार रुपैयाँसम्म जरिवाना गर्न सक्नेछ । यद्यपी उक्त सवारी साधनले पनि गम्भीर दुर्घटना हुने गरी खतरा भएमा र सवारी गुडिरहँदा सडकको एक भागबाट अर्को भाग नदेखिने मोड आएमा छोटो हर्न बजाउन भने पाउनेछन् ।
तर, यो नियम भने केही सवारी साधनलाई भने छुने छैन् । एम्बुलेन्स, सुरक्षाकर्मी, शव बाहन, दमकल लगायत आकस्मिक अवस्थाका लागि चलाइने सवारी साधनले हर्न बजाउन पाउने छन् ।
