२३ वर्षिय युवाको आफु कार्यरत कार्यालयकै कोठामा रहस्यमय मृत्यु

विष्णु जोशी _व्युरो खवर ।

कञ्चनपुर भिमदत्त नगरपालिका वडा नं. ११ बस्ने २३ वर्षिय सागर चन्दको आफु कार्यरत कार्यालयकै कोठाको कम्पाण्डमा रहस्यमय मृत्यु भएको छ । यहि जेठ ९ गते राती बाँके जिल्ला नेपालगञ्ज उप–महानगरपालिका वडा नं. १३ बुलबुलिया स्थित साना तथा मझौला कृषक आय स्तर बृद्धि आयोजना (RISM- FP)को कोठामा भएको घटना प्रति उनका आफन्तले आपती जनाएका छन् ।

(RISMFP) मा सव ईन्जिनियर पदमा कार्यरत चन्द १० गते बिहान मृत्य फेला परेको थिए । रातीको समयमा भएको उक्त घटनाबारे चन्दको कोठामा बस्ने कर्मचारी लगायत सोही कोठामा बस्ने कर्मचारी घटनाबारे अनविज्ञता व्यक्त गरिरहेका छन् । एउटै कोठामा बस्ने कर्मचारीहरुले घटनाबारे दोस्रो दिनको विहान मात्रै जानकारी पाएको बताएका छन् । उक्त घटनाको प्रारम्भिक रिर्पोटमा विषादि सेवन गरि घरको छतबाट हाम फालेर मृत्यु भएको भन्ने जस्ता सुचना प्रति हाम्रो आशंका र आपत्ति रहेको आफन्तले निकालेको प्रेस बिज्ञप्तीमा उल्लेख छ । घटनाको प्रकृति र घटनास्थल हेर्दा उक्त घटना आत्माहत्या नभएर मृतक चन्दमाथी परिपञ्च रचि योजनाबद्ध रुपमा हत्या गरे गराइएको जस्तो देखिन्छ । मृतक सागर हिजो आजका दिनमा आफ्नो सफलतापुर्ण सामान्य जीवनयापन गर्दै आएको अवस्था स्पष्ट छ ।

सागरकोे पारिवारिक अवस्था पनि राम्रो रहेको र कुनै त्यस्तो आत्महत्या गरिहाल्नुपर्ने ठोस् कारण पनि कुनैकतैबाट देखिदैन, छैन पनि । यस घटनाबारे आत्महत्या गरेको कुरा भ्रमपुर्ण र भुटो हो, घटना कसैले परिपञ्च रचि घटना गराइएको हो भन्ने कुरामा तपसिलका तथ्यहरुको आधारमा हामीहरुलाई विश्वास लागेकोले घटनाबारे जिल्ला प्रहरी कार्यालय बाँकेमा मिति २०७४ जेठ १० गते मृतक सागर चन्दका बुवा दिपेन्द्र बहादुर चन्दले कर्तव्य ज्यान मुद्धा सम्बन्धि जाहेरी दिइ सकेकोले उक्त घटनाको सत्य तथ्य छानविन गरि सक्दो चाडो दोषिमाथी कानुनी कार्वाही गर्न सम्बन्धित निकायलाई ध्यान आकर्षण गराउदछौ ।

साथै उक्त घटनाको सत्य तथ्य बाहिर ल्याई हामी पिडित परिवारलाई सहयोग गरिदिन हुन सम्पुर्ण न्यानप्रेमी, नागरिक समाज तथा संचारकर्मीहरुमा आग्रह गर्दछौ भनी उनका सहोदर दाई राकेश चन्दले हस्ताक्षर गरेको प्रेस बिज्ञप्तीमा उल्लेख गरेको छ ।